Pleyeri seçin:
İlham Əliyev Gəncə Memorial Kompleksinin açılışında iştirak etdi
Prezident İlham Əliyev Anım Günü – 27 sentyabr tarixində Gəncə şəhərində Memorial Kompleksin açılışında iştirak edib. 2022-ci ildə təməli qoyulmuş bu kompleks, İkinci Qarabağ müharibəsi zamanı Ermənistanın Gəncəyə endirdiyi raket zərbələrinin qurbanı olmuş günahsız mülki şəxslərin xatirəsini əbədiləşdirmək məqsədi daşıyır. Açılış zamanı dövlət başçısı Memorial lövhənin önünə əklil qoyub və saat 12:00-da şəhidlərin xatirəsini bir dəqiqəlik sükutla yad edib. Kompleks raketin yerdə buraxdığı izi (krateri) simvolizə edən spiralvari formaya malikdir və 4 hektar ərazini əhatə edir. Qeyd edək ki, Vətən müharibəsi dövründə Gəncəyə endirilən raket zərbələri nəticəsində 26 mülki şəxs, o cümlədən 6 uşaq həlak olmuşdu.
Kopyalandı
Seçilmişlər
