İlham Əliyev güclü siyasətçi kimi bunu edəcək | Korotçenkodan şərh

Cənubi Qafqazın bu cür təlatümlü vəziyyətində İlham Əliyev güclü siyasətçi kimi regionun təhlükəsizlik, eləcə də sabitliyinin təmin olunmasına kömək edəcək.

Bu sözləri rusiyalı hərbi ekspert İqor Korotçenko “Moskva-Bakı” nəşrinə müsahibəsində Türkiyədə çevriliş cəhdi, Gürcüstan və Ermənistanda siyasi qarşıdurmalar, İran Prezidentinin ölümü nəticəsində regionda qeyri-normal vəziyyətin yaranması barədə danışarkən deyib.

“Lukaşenkonun dediyi kimi, Cənubi Qafqazda təhlükəsizliyə görə yalnız öz dövləti səviyyəsindən daha qlobal miqyasda məsuliyyət daşımalı olan əsl lider (İlham Əliyev) formalaşıb”, – o bildirib.

Qeyd edək ki, 16-17 mayda Azərbaycanda səfərdə olan Belarus lideri Aleksandr Lukaşenko İlham Əliyevin təkcə öz ölkəsindən deyil, həm də regionun sabitliyi və təhlükəsizliyindən məsul olan lider olduğunu bildirmişdi.