İlham Əliyev Monqolustan Prezidenti ilə görüşdü | Nələr müzakirə olundu?

Prezident İlham Əliyev Monqolustan Prezidenti Uxnaaqiyn Xurelsuxla görüşüb.

Dövlət başçısı həmkarına COP29-da iştirak etdiyinə görə minnətdarlığını bildirib.

İlham Əliyev bu görüşün Uxnaaqiyn Xurelsuxla ilk görüş olduğunu deyərək, bunun ikitərəfli münasibətlərin perspektivləri ilə bağlı fikir mübadiləsi aparmaq üçün yaxşı imkan yaratdığını vurğulayıb.

Dövlət başçısı bundan əvvəl beynəlxalq tədbirlər çərçivəsində Uxnaaqiyn Xurelsuxla təmaslarını məmnunluqla xatırlayaraq, Monqolustan Prezidenti vəzifəsində Azərbaycana ilk səfəri tarixi hadisə kimi dəyərləndirib.

İlham Əliyev iki ölkə arasında müxtəlif səviyyələrdə təmasların bundan sonra da davam etdiriləcəyinə ümidvar olduğunu bildirib. Siyasi əlaqələrin çox yaxşı səviyyədə olduğunu deyən dövlət başçısı iqtisadi sahədə də əməkdaşlıq istiqamətlərinin müəyyənləşdirilməsinin vacibliyini vurğulayıb.

Uxnaaqiyn Xurelsux da öz növbəsində İlham Əliyevlə bundan əvvəl beynəlxalq səviyyəli tədbirlərdə təmaslarını məmnunluqla xatırlayıb. Ölkələr arasında 32 ildir diplomatik əlaqələrin qurulduğunu deyən qonaq Azərbaycan Prezidentini Monqolustana səfərə dəvət edib.