İlham Əliyev nazirlərin iclasında çıxış etdi

"Azərbaycan özünü etibarlı tərəfdaş kimi doğruldub. Bizim sözümüz imzamız qədər eyni qüvvəyə malikdir".

Bu fikirləri Prezident İlham Əliyev Bakıda keçirilən Cənub Qaz Dəhlizi Məşvərət Şurası çərçivəsində nazirlərin 10-cu iclası və Yaşıl Enerji Məşvərət Şurası çərçivəsində nazirlərin 2-ci iclasında bildirib.

"Biz yeni təşəbbüslər irəli sürmüşük və əminəm ki, onlar həyata keçiriləcək", – deyən dövlət başçısı vurğulayıb ki, təkcə ötən ilin nəticələri bunu nümayiş etdirir.

Prezident bildirib ki, bu gün Avrasiyadakı geosiyasi vəziyyət bizim görəcəyimiz işlərin vacibliyini göstərir.

"Şaxələndirmə haqqında danışdıqda bizim mövqeyimiz hər zaman belə olub və indi də belədir ki, şaxələndirmə nəinki təchizat marşrutlarının, həmçinin mənbələrin şaxələndirilməsi olmalıdır", – deyə ölkə başçısı vurğulayıb.