İlham Əliyevdən Ermənistan təmsilçisinin təxribatçı sualına cavab - Baku TV

Münxen Təhlükəsizlik Konfransı çərçivəsində keçirilən panel müzakirələrində ermənistanlı gənc lider Stepan Safaryan Prezident İlham Əliyevə sual ünvanlayıb.

O, Ermənistanın "Sülh kəsişməsi" layihəsinin əhəmiyyətindən və Konstitusiya məsələsindən danışıb.

S.Safaryanın Ermənistan Konstitusiyasındakı ərazi iddialarına bəraət qazandırmaq cəhdi ilə bağlı sualına Prezident İlham Əliyev belə cavab verib:

"Azərbaycana birbaşa ərazi iddiasını ehtiva edən Ermənistanın müstəqillik bəyannaməsi sizin Konstitusiyanızın bir hissəsidir və bəli, Konstitusiyanın preambula hissəsindədir. Konstitusiya Məhkəməsinin heç bir qərarı Konstitusiyadan üstün deyil. Mən hüquqşünas deyiləm, lakin hətta mən də bunu bilirəm. Buna görə də Ermənistan Konstitusiyasından müstəqillik bəyannaməsinin çıxarılması sülh müqaviləsinin imzalanması üçün yeganə qalan ilkin şərtdir. Düşünürəm ki, Ermənistan və Azərbaycan rəhbərlikləri arasında hansı addımların atılması və bunların hansı ardıcıllıqla edilməsi barədə xeyli anlaşma var.

"Sülh yolu kəsişməsi"nə gəlincə, bilirsiniz, Prezident Donald Tramp yenidən hakimiyyətə qayıdanda o, TRIPP layihəsinə start verdi. Odur ki, Prezident Co Bayden qayıdanda sizin "Sülh yolu kəsişməsi" layihəsini yenidən başladar".