İlham Əliyevi tərifləmişdim deyə məni… | Novella Cəfəroğlu istefa səbəblərini açıqladı
“Partiyada olmağım çoxlarının xoşuna gəlmirdi”.
Bunu hüquq müdafiəçisi Novella Cəfəroğlu Müsavat Partiyasından istefa səbəbləri ilə bağlı “Teleqraf”a açıqlamasında deyib.
“Bir dəfə Prezident İlham Əliyevi tərifləmişdim deyə məni topa tutmuşdular. İndi də o fikirdəyəm ki, Prezident İlham Əliyev çox güclü lider, gözəl başçıdır, Qarabağı azad edib.
Müsavatdakı və digər müxalifət partiyalarındakı dostlarımın hamısı bir vaxt deyirdilər ki, Prezident İlham Əliyev Qarabağı alsın, gedib onun əlindən öpəcəyik.
"Qarabağı alsın, ömrünün sonuna kimi Prezident olsun" deyənlər də vardı. Amma mən bu sözləri təkrar edəndə hücuma keçdilər, başladılar söyməyə. Fakt odur ki, bu sözü yanımda çox adam deyib. Adlarını açıqlamıram, özləri bu açıqlamamı oxuyanda biləcəklər”, – o vurğulayıb.
Hüquq müdafiəçisi bundan sonra heç bir siyasi təşkilata qoşulmayacağını bildirib:
“Özüm bir partiyayam. Mənə partiya lazım deyil. Bunu 30 ildir hamı görür. İstəsəm, özüm nümunəvi bir partiya yaradaram”.
#İlham Əliyev teqi istifadə olunub
- Azərbaycanın sülh strategiyası bütün dünyaya nümunə göstərildi - Baku TV
- ABŞ Prezidenti Donald Tramp İlham Əliyevə təşəkkür edib - Baku TV
- "İlham Əliyev Davosda regionun maraqlarını təmsil etdi" - Gürcü politoloqlardan açıqlama - Baku TV
- Haber Global: "Əliyev Davosda Tramp, Əl-Sani, Stubb və Babişlə görüşüb" - Baku TV
- Qlobal kapital və siyasi mərkəzlər Azərbaycanla tərəfdaşlığı genişləndirir - Baku TV
