İlham Əliyevin Antalyada Suriyanın keçid dövrü Prezidenti ilə görüşü olub - Baku TV

Azərbaycan Prezidenti İlham Əliyevin Antalyada Suriyanın keçid dövrü Prezidenti Əhməd əl-Şaraa ilə keçirdiyi tarixi görüş iki ölkə arasındakı münasibətlərdə yeni strateji mərhələnin əsasını qoyub. Görüş zamanı Suriyada baş vermiş köklü siyasi dəyişikliklərdən sonra Bakı və Dəməşq arasında əməkdaşlığın bərpası üçün konkret addımlar müzakirə edilib. Tərəflər regional təhlükəsizlik məsələləri ilə yanaşı, Azərbaycan qazının Türkiyə vasitəsilə Suriyaya ixracı layihəsini diqqət mərkəzinə gətiriblər. Bu enerji layihəsinin Suriyanın müharibədən sonrakı bərpa prosesində və enerji təhlükəsizliyinin təmin olunmasında həlledici rol oynayacağı vurğulanıb. Prezident İlham Əliyev Suriya rəhbərini Azərbaycana rəsmi səfərə dəvət edib, Əhməd əl-Şaraa isə ölkəsinin yenidən qurulmasında Azərbaycanın göstərdiyi mənəvi və siyasi dəstəyə görə minnətdarlığını bildirib.