İlham Əliyevin və Şeyx Məhəmməd bin Zayed Al Nəhyanın geniş tərkibdə görüşü olub

Azərbaycan və Birləşmiş Ərəb Əmirlikləri arasındakı münasibətlər ən yüksək səviyyəyə — strateji tərəfdaşlıq mərhələsinə yüksəlib. Dekabrın əvvəlində Bakıda Prezident İlham Əliyev və BƏƏ Prezidenti Şeyx Məhəmməd bin Zayed Əl Nəhyanın iştirakı ilə nümayəndə heyətlərinin geniş tərkibdə görüşü keçirilib. Baku TV-nin təqdim etdiyi süjetdə bildirilir ki, görüş zamanı ticarət, investisiya, "yaşıl enerji", kənd təsərrüfatı və müdafiə sənayesi sahələrində əməkdaşlığın dərinləşdirilməsi müzakirə olunub. Liderlər iki ölkə arasındakı ticarət dövriyyəsinin son bir ildə rekord həddə — təxminən 2 dəfə artmasını yüksək qiymətləndiriblər. Görüşün sonunda "Hərtərəfli Strateji Tərəfdaşlıq haqqında Birgə Bəyannamə" və rəqəmsal iqtisadiyyatdan kosmosa qədər müxtəlif sahələri əhatə edən sənədlər imzalanıb. "Masdar" şirkətinin Azərbaycandakı yeni investisiya layihələri və Bakı-Əbu-Dabi oxunda formalaşan yeni iqtisadi konfiqurasiyanın təfərrüatları Baku TV-nin "Siyasət" rubrikasında.