İlk dəfə səsvermə hüququ olan yoxdur, amma ən yaşlı seçicinin yaşı... | Nərimanovda seçki prosesi

Bu gün Milli Məclisə növbədənkənar seçkilər keçirilir.

Parlament seçkilərində 125 deputat mandatı uğrunda 990 namizəd mübarizə aparır.

Baku TV 20 saylı Nərimanov ikinci seçki dairəsinin 16 saylı məntəqəsindəki səsvermə prosesi ilə bağlı son məlumatları izləyicilərin diqqətinə çatdırıb.

“1139 nəfər qeydiyyatda olan seçicimiz var. Bugünkü seçkilərdə ilk dəfə səsvermə hüququna sahib seçicimiz yoxdur. Ən yaşlı seçicimizin isə 83 yaşı var”, – deyə məntəqə sədri Esmira Quliyeva bildirib.