İranda azərbaycanlıları çətin vəziyyətə salan nədir? | Qalmaqallı açıqlama

Adlar bazası İran və islam adları ilə zənginləşdirilməlidir və interaktiv sistem valideynlərə İran və islam adlarını seçməkdə yardım etməlidir.

Bunu İran Vətəndaşlığının Qeydiyyatı İdarəsinin rəhbəri Haşım Kargər deyib.

O, İran milli kimliyinin inkişaf etdirilməsi üçün əlaqədar qurum və şəxslərə kimlik sahəsində məlumat bazasını İran və islam mədəniyyətinə aid olan adlarla zənginləşdirməyi tövsiyə edib.

Qeyd edək ki, İranda fars və ərəb adlarından başqa adlar qeyri-irani adlar hesab edilir.

Azərbaycanlı valideynlər uşaqlarına türk adları seçdiklərinə görə məhrumiyyət və təzyiqlərlə üzləşir, uşaqlara türk adlarına görə illərlə kimlik verilmir.