İrəvandan şərti sərhədlə bağlı açıqlama

"Hazırda Ermənistan və Azərbaycan arasındakı sərhədlərin delimitasiyası və demarkasiyası üzrə komissiyalar problemin həlli yollarını müzakirə edirlər".

Bunu Ermənistan Baş nazirinin müavini Mqer Qriqoryan parlamentdə çıxışı zamanı deyib.

Onun sözlərinə görə, razılaşdırılacaq sənəddə geniş metodik mənzərə öz əksini tapmalıdır. Həmçinin 2-3 aydan sonra komissiyaların əsasnamə layihəsini almaq mümkün olacaq ki, bu da sərhədlərin müəyyən edilməsi metodologiyasını əks etdirəcək.

Qriqoryanın sözlərinə görə, sərhədlərin delimitasiyası və demarkasiyası prosesi uzun çəkəcək.

Qeyd edək ki, yanvarın 31-də Azərbaycan və Ermənistan arasındakı sərhəddə ölkənin Baş nazirinin müavini Şahin Mustafayev və Ermənistan Baş nazirinin müavini Mqer Qriqoryanın sədrliyi altında iki ölkə arasında dövlət sərhədinin delimitasiyası üzrə Dövlət Komissiyasının və Ermənistanla Azərbaycan arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın altıncı görüşü keçirilib.