Köç edən Qarabağ erməniləri hara gedəcək?

“Qarabağdan bütün ermənilər çıxsa belə, Azərbaycan həmin boşalan yerlərdə yaşayışı təmin etmək üçün yetərli resursa malikdir. Hesab edirəm ki, ərazinin inkişafı ilə bağlı heç bir problem olmayacaq. Görün, uzun illər ərzində erməni qüvvələrinin nəzarətində olan o ərazilərdə onlar hansı sürətlə hava limanları tikiblər”.

Bunu rusiyalı politoloq Sergey Markedonov deyib.

Qarabağdan köçən ermənilərin Paşinyan hakimiyyətinə yaradacağı təhlükə və ya Ermənistanda ciddi bir gücə çevrilmə ehtimalına gəldikdə isə politoloq deyib ki, ermənilərlə bağlı bir neçə nüans var:

“Qarabağın erməni millətindən olan sakinlərinin heç də hamısı İrəvanda qalmaq istəməz, bəziləri Stavropol diyarına, Krasnodar diyarına və Moskva vilayətinə gedəcək, orada artıq bu bölgədən çoxlu adam yaşayır və onlar artıq oyunda olmayacaqlar.

Erməni cəmiyyətində Qarabağ erməniləri ilə bağlı fərqli fikirlər mövcuddur. Gedənlərin hər biri Ermənistanı seçməyəcək, hətta Ermənistana qayıdanların kritik kütləsi belə tektonik sürüşmələrə səbəb olmayacaq. Qarabağ ermənilərinin də çoxları hər şeydən yorulub, bəziləri yaşlıdır. Onların mitinqə vaxtı, ya da istəkləri yoxdur”.

Markedorov deyib ki, indi həm Ermənistanın, həm də Azərbaycanın müxtəlif vaxtlarda nümayiş etdirdiyi maksimalist planı həyata keçirmək əhvali-ruhiyyəsini görür:

“Ermənistan daha güclü olanda real sülh prosesinə göz yumdu. Danışıqlar imitasiya xarakteri daşıdı. Hesab edirdilər ki, bir gün hamı 1994-cü ildə yaranmış nizamı qanuniləşdirməyə razılaşacaq. İndi Azərbaycanın gücü var və o, güzəştə getməyə meyilli deyil”.

Zəngəzur dəhlizi ilə bağlı məsələyə gəldikdə politoloq deyib ki, nəqliyyat kommunikasiyaları məsələsi logistika qovşaqlarını kimin və necə idarə edəcəyindən asılıdır:

“Əgər hər şey Türkiyə-Azərbaycan ssenarisi üzrə gedərsə, bu, İranla müəyyən çətinliklər yaradacaq. Bunun Rusiya üçün mütləq faydalı olduğunu söyləmək olmaz”.