Lavrov: Bütün razılaşmaların həyata keçirilməsi əzmindəyik

“Biz Azərbaycan, Ermənistan və Rusiya liderlərinin əldə etdiyi bütün razılaşmaların həyata keçirilməsi əzmindəyik”.

Bunu Rusiyanın xarici işlər naziri Sergey Lavrov azərbaycanlı həmkarı Ceyhun Bayramovla görüş zamanı bildirib.

Qeyd edək ki, daha sonra S.Lavrov erməni həmkarı Ararat Mirzoyanla ikitərəfli görüş küçirəcək. Yekun olaraq isə Rusiya, Azərbaycan və Ermənistan xarici işlər nazirlərinin üçtərəfli görüşü keçiriləcək. Rəsmi Moskva hesab edir ki, bu danışıqlar Bakı və İrəvan arasında mübahisəli məsələlərin həllində, qarşılıqlı məqbul həll yollarının tapılmasında və ümumilikdə tərəflər arasında etimadın artırılmasında, eləcə də Cənubi Qafqazda sabitliyin möhkəmləndirilməsində yardımçı olacaq.