Mariya Zaxarova Moskvadakı üçtərəfli görüşü şərh etdi

“Ermənistan-Azərbaycan münasibətlərinin normallaşması prosesi asan getmir. Bunu hamımız çox yaxşı görür və başa düşürük, lakin sülhün alternativi yoxdur. Bununla bağlı məsələlər iyulun 25-də Moskvada Rusiya, Azərbaycan və Ermənistan xarici işlər nazirlərinin üçtərəfli görüşündə müzakirə olunub”.

Bunu Rusiya Xarici İşlər Nazirliyinin rəsmi nümayəndəsi Mariya Zaxarova iyulun 26-da keçirdiyi brifinqdə deyib.

Vurğulayıb ki, Azərbaycanla Ermənistan arasında barışıq prosesi humanitar sahəni də əhatə etməlidir. Diplomat həmçinin qeyd edib ki, Rusiya ilə Azərbaycan arasında sıx əməkdaşlıq Cənubi Qafqazda sabitliyin əsas elementlərindən biridir.