Mehriban Əliyeva Azərbaycanın Paralimpiya çempionu Lamiyə Vəliyevanı təbrik etdi

Paris-2024 Yay Paralimpiya Oyunlarında idmançılarımız uğurlar qazanmağa davam edirlər.

Paraatletimiz Lamiyə Vəliyeva 400 metr məsafəyə qaçışda gümüş medal qazanıb.

Birinci vitse-prezident Mehriban Əliyeva bu münasibətlə paylaşım edib.

“Paris-2024 Yay Paralimpiya Oyunlarında dünya rekordunu yeniləmiş qızıl mükafatçımız Lamiyə Vəliyevanın növbəti qələbəsi! Gümüş medal! Azərbaycanı layiqincə təmsil edən idmançımızı səmimi-qəlbdən təbrik edir, ona güc, enerji və yeni qələbələr arzulayıram!”, – deyə paylaşımda qeyd olunub.