Mehriban Əliyeva “Paris-2024”də gümüş medal qazanan Alfonso Dominqesi təbrik etdi

Birinci vitse-prezident Mehriban Əliyeva Parisdə keçirilən Yay Olimpiya Oyunlarında gümüş medal mükafatı qazanmış Azərbaycan boksçusu Alfonso Dominqesi təbrik edib.

Bu barədə birinci xanım sosial şəbəkə hesabında yazıb:

"Boksçu – gümüş medal sahibi Alfonso Dominqesi səmimi-qəlbdən təbrik edirəm! Azərbaycanı Paris Yay Olimpiya Oyunlarında layiqincə təmsil edən idmançımıza güc, enerji, yeni qələbələr və nailiyyətlər arzulayıram!", – deyə paylaşımında qeyd edilib.