Millət vəkilindən Xankəndidəki təhsil ocağı ilə bağlı açıqlama

“Xankəndi şəhərində Qarabağ Universitetinin yaradılması tarixi hadisədir”.

Bu sözləri Xankəndidən seçilən deputat Tural Gəncəliyev deyib.

Deputat bildirib ki, bu, həm də vaxtilə Qarabağda mövcud olmuş güclü təhsil ənənələrinin, intellektual potensialımızın yenidən gücləndirilməsi, insan kapitalının inkişaf etdirilməsi baxımından önəmlidir.

“Bərpa və quruculuq təkcə gözəl binaların, gözəl infrastruktur sisteminin, yolların, körpülərin, tunellərin tikilməsindən ibarət deyil. Eyni zamanda, biz insan kapitalımızın əvvəl mövcud olan potensialının yenidən bərpasını hədəfləyirik və bunu həyata keçiririk”, – deyə o əlavə edib.