Milli Məclisdə 8 millət vəkilinin kreslosu boşdur

İyulun 14-də Milli Məclisin deputatı Madər Musayev dünyasını dəyişib. Bununla da parlamentdə boş qalan deputat yerlərinin sayı 8-ə çatıb.

Qeyd edək ki, 2020-ci ilin fevralında baş tutan növbədənkənar parlament seçkilərindən sonra 4 dairə üzrə yerlər boş qalıb. Mərkəzi Seçki Komissiyası seçkilər zamanı baş verən qanun pozuntularına görə 33 saylı Xətai 1-ci, 35 saylı Xətai 3-cü, 74 saylı Lənkəran kənd və 80 saylı İmişli-Beyləqan seçki dairələrinin nəticələrini ləğv edib.

Həmçinin Milli Məclisin deputatı Fəttah Heydərov 2020-ci ilin avqust ayında vəfat etdiyinə görə 116 saylı Qəbələ seçki dairəsi boş qalıb.

Bundan başqa, Sumqayıt Ağır Cinayətlər Məhkəməsində millət vəkili Eldəniz Səlimova polisi döydüyünə görə 3 il 6 ay müdətinə hökm oxunub. Bununla da onun deputat səlahiyyətlərinə xitam verilib.

Millət vəkili Şahin Seyidzadə isə 2022-ci ilin martında Prezident İlham Əliyevin sərəncamı ilə İçərişəhər Dövlət Tarix-Memarlıq Qoruğu İdarəsinin İdarə Heyətinin sədri təyin edilib. Bununla da onun mandatı ləğv edilib.

Beləliklə hazırda 55 saylı Xaçmaz şəhər və 50 saylı Abşeron-Qobustan dairələri boş qalıb.