Milli Məclisin buraxılmasının səbəbi | Əli Hüseynli detalları açıqladı

Milli Məclisin birinci vitse-spikeri Əli Hüseynli növbədənkənar seçkilərin keçirilməsi ilə əlaqədar çıxış edib.

Komitə rəhbəri deyib ki, bir sıra amillər növbədənkənar parlament seçkilərinin keçirilməsi üçün zəruridir.

Parlamentin Hüquq siyasəti və dövlət quruculuğu komitəsinin sədri bildirib ki, COP29-a qədər parlamentin tam formalaşması zəruridir:

“Tədbirlərin ən yüksək səviyyədə keçirilməsinin özü də Azərbaycanın beynəlxalq səviyyədə qəbul etdiyi öhdəliklərdən biridir. Məhz bu amil də növbədənkənar seçkilərin vaxtından əvvəl keçirilməsini zəruri edir”.

Ə.Hüseynlinin sözlərinə görə, parlament seçkilərinin şəffaf keçirilməsi, seçicilərin seçkilərdə iştirakının maneəsiz iştirakının təmin edilməsi dövlətin vəzifələrindən biridir:

“Noyabrda bunu təmin etmək çətin ola bilər. Heç şübhəsiz ki, növbədənkənar parlament seçkiləri bu ilin fevralında keçirilmiş prezident seçkilərindən sonra Azərbaycanın bütün legitim ərazilərində keçiriləcək ikinci seçki olacaq. Bu baxımdan Hüquq siyasəti və dövlət quruculuğu komitəsi olaraq növbədənkənar seçkilərin keçirilməsi barədə Prezidentə müraciət edilməsini məqsədəmüvafiq hesab edirik”.