Milli Məclisin komitə sədrindən maraqlı fakt

“Azərbaycan qadın və uşaqların hüquqlarının müdafiəsi sahəsində bir çox ölkələrə nümunədir. Çünki bizdə qanunvericilik bazası çox güclüdür, bu istiqamətdə bir çox qanunlar qəbul edilib”.

Bunu Milli Məclisin Ailə, qadın və uşaq məsələləri komitəsinin sədri Hicran Hüseynova noyabrın 20-də Qoşulmama Hərəkatının ailə, qadın komitələrinin Bakıda keçirilən “Qadınların hüquqlarının inkişaf etdirilməsi və səlahiyyətlərinin artırılması” mövzusunda konfrans çərçivəsində jurnalistlərə açıqlamasında deyib.

“Bu səbəbdən konfransda iştirak edən ölkələrin nümayəndələri Azərbaycanın təcrübəsini öyrənməyə böyük maraq göstərirlər”, – o qeyd edib.