Mina təhlükəsi buna görə bitmir | “Gizli qatil”ə qarşı “silah” hazırlanır

“Dünyada mina təhlükəsi qalmaqdadır. Söhbət piyada və mina əleyhinə minalardan gedir. Çünki bəzi ölkələr Ottava konvensiyasından uzaqlaşırlar”.

Bunu Minaların Qadağası üzrə Beynəlxalq Kampaniyanın direktoru Tamar Qabelnik deyib.

O bildirib ki, bu gizli qatilin qurbanlarının 85 faizi dinc sakinlər, mülki şəxslərdir. Ölənlərdən 40 faizi isə uşaqlardır.

T.Qabelnik Ottava prosesini dəstəklədiyini dilə gətirib. Çünki bu, humanitar krizisə ən yaxşı reaksiyadır və 2025-ci ilin dekabrında yerüstü minaların qadağan olunması gözlənilir.

Qeyd edək ki, mina terroru həyata keçirən ölkələrdən biri də Ermənistandır. Ermənistanın işğalı nəticəsində Azərbaycan torpaqları Avropada minalarla ən çox çirklənmiş ikinci əraziyə çevrilib. Postmünaqişə dövründə 387 vətəndaşımız mina partlayışında həyat və sağlamlıqlarını itirib. Ümumilikdə Ermənistanın mina terrorunun Azərbaycanda 4 minə yaxın qurbanı var.