Miqrasiya ilə bağlı hansı dəyişikliklər olacaq? | Dövlət Miqrasiya Xidmətindən açıqlama

Rusiya Federasiyasının müvafiq qanunvericiliyinə edilən bir sıra dəyişikliklərə əsasən, 2025-ci il yanvarın 1-dən miqrasiya sahəsində yeni qaydalar qüvvəyə minəcək.

Bu barədə Dövlət Miqrasiya Xidmətindən məlumat verilib.

Bildirilib ki, həmin tarixdən Azərbaycan vətəndaşlarının Rusiya ərazisində müvəqqəti olma müddəti bir təqvim ili ərzində cəmi 90 gün olacaq.

Qeyd edilən müddət Rusiya qanunvericiliyində nəzərdə tutulmuş əsaslar mövcud olduqda, yəni əmək fəaliyyəti üçün patent aldıqda, müvəqqəti yaşamaq üçün müraciəti qəbul olunduqda uzadıla bilər.

Bildirilib ki, Azərbaycan vətəndaşı Rusiya dövlət sərhədini keçdiyi tarixdən 7 iş günü ərzində olduğu yer üzrə qeydiyyata alınmalıdır. Olduğu yer üzrə qeydiyyatla bağlı müraciət Azərbaycan vətəndaşını qəbul edən tərəf və ya Azərbaycan Respublikası vətəndaşının özü tərəfindən edilə bilər.

Əlavə olaraq nəzərə alınmalıdır ki, Rusiyanın mövcud qanunvericiliyinin tələblərinə əsasən, ölkəyə daxil olan zaman əcnəbilərdən, o cümlədən Azərbaycan vətəndaşlarından miqrasiya kartının doldurulması tələb olunur.