Mirzoyan fransalı həmkarı ilə görüşdü

Ermənistan və Fransa xarici işlər nazirləri Cənubi Qafqazda təhlükəsizlik məsələlərini müzakirə ediblər.

Bu barədə Ermənistan XİN məlumat yayıb.

Ararat Mirzoyan və Ketrin Kolonna arasında baş tutan danışıqlar Avropa İttifaqı Şərq Tərəfdaşlığı ölkələri xarici işlər nazirlərinin görüşü çərçivəsində baş tutub.

Ararat Mirzoyan həmkarına İrəvan-Bakı münasibətlərindəki son vəziyyətdən danışıb.

Nazirlər beynəlxalq platformalarda qarşılıqlı fəaliyyətlə bağlı fikir mübadiləsi aparıblar.