Mövlud Çavuşoğlu Antalyada çıxış etdi

“Türkün yolu Zəngəzur, Qarabağdan keçər”.

Bu barədə Türkiyə xarici işlər naziri Mövlud Çavuşoğlu Antalyada iş adamları ilə görüşü zamanı bildirib. Nazir qeyd edib ki, müxalifətin prezident seçkilərində namizədi Kamal Kılıçdaroğlunun və bəzi digər siyasətçilərin Azərbaycana qarşı qərəzli və əsassız mövqeyi var.

“Azərbaycanla nə dərdləri var, başa düşə bilmirəm. Tarixdən bu yana “CHP”lilərin azərbaycanlı qardaşlarımızla bir dərdi var. Boraltan körpüsü hadisələrini xatırlayın. Bunlar Azərbaycan Qarabağı azad etmək üçün mübarizə aparanda “Təəssüf ki, Türkiyə Azərbaycana yardım etdi” dedilər”, – deyə Türkiyənin xarici işlər naziri əlavə edib.