Mövqelərimiz hansı məqsədlə izlənilir? | Sərhəddə nə baş verir?

Avropa İttifaqının “missiyası” növbəti dəfə Azərbaycan sərhədində müşahidə aparıb.

“Report”un məlumatına görə, fevralın 12-si saat 10:09-da Ermənistanın Keşişkənd rayonunun Arpa yaşayış məntəqəsi istiqamətində yerləşən Ermənistan Silahlı Qüvvələrinin döyüş mövqeyinə 2-nin üzərində Avropa İttifaqının və 1-nin üzərində Beynəlxalq Qızıl Xaç Komitəsinin bayrağının olduğu 3 ədəd yolsuzluq avtomobili və Ermənistan Silahlı Qüvvələrinə məxsus 1 ədəd “UAZ Patriot” markalı avtomobilin gəlməsi, 2-si hərbçi və 4-ü mülki şəxs olmaqla ümumilikdə 6 nəfərin ərazidə müşahidə aparması, digər döyüş mövqeyinə hərəkət edərək Azərbaycan mövqeləri istiqamətində foto və videoçəkiliş etməsi Azərbaycan tərəfindən qeydə alınıb.

“Missiya nümayəndələri saat 11:54-də ərazini tərk edərək geri qayıdıblar. Aİ və BQXK-nın nümayəndələrinin ərazidəki fəaliyyəti Azərbaycan Ordusunun bu istiqamətdə yerləşən bölmələri tərəfindən vizual və texniki vasitələrlə müşahidə edilib”, – deyə məlumatda qeyd olunub.