MSK bəzi seçki məntəqələrinin nəticələrini niyə ləğv etdi? | Açıqlama

Mərkəzi Seçki Komissiyası bir neçə məntəqədə seçkinin nəticələrini ləğv edib, həmin məntəqələrdəki seçki komissiyaları isə buraxılıb.

Bunu Mərkəzi Seçki Komissiyasının fevralın 11-də keçirilən iclasında MSK-nın sədr müavini Rövzət Qasımov bildirib.

Onun sözlərinə görə, peşəkarlıq fonunda aparılan araşdırmalar göstərir ki, sağlam seçki mühitinə kölgə salmaq üçün bəzi cəhdlər olub.

Qeyd edilib ki, daxil olmuş bütün protokollar, internet resurslarında yayılan bütün informasiyalar araşdırılıb. Aparılan araşdırmalar zamanı bir neçə seçki məntəqəsində seçicilərin iradəsinin müəyyən edilməsinə imkan verməyən pozuntular aşkarlanıb.

Nəticələri ləğv edilən seçki məntəqələri 41 saylı Gəncə-Samux-Goranboy Seçki Dairəsinin 38 saylı, 61 saylı Qusar Seçki Dairəsinin 7 və 27 saylı, 65 saylı Salyan-Biləsuvar-Neftçala Seçki Dairəsinin 9 saylı, 68 saylı Sabirabad-Şirvan Seçki Dairəsinin 2 saylı, 77 saylı Lənkəran Seçki Dairəsinin 7 və 31 saylı, 92 saylı Göyçay-Ağdaş Seçki Dairəsinin 6 saylı, 99 saylı Bərdə Seçki Dairəsinin 2 saylı, 114 saylı Şəki Şəhər Seçki Dairəsinin 1 saylı və 115 saylı Şəki Kənd Seçki Dairəsinin 6 saylı seçki məntəqəsidir.