MSK-nın iclasında mühüm qərar | Nəticələrin ləğv edilmə səbəbi açıqlandı

Azərbaycanda 6 seçki məntəqəsinin nəticələri ləğv edilib.

Bununla bağlı qərar Mərkəzi Seçki Komissiyasının fevralın 3-də keçirilən iclasında müzakirə edilib.

MSK katibi Arifə Muxtarova bildirib ki, 81 saylı İmişli seçki dairəsi üzrə 42, 43, 44, 45, 46 saylı məntəqələrdə bələdiyyə seçkiləri üzrə nəticələr ləğv edilib. Həmin məntəqələrdə Bəcirəvan kənd bələdiyyəsinə seçkilər keçirilib.

MSK-nın qərarına əsasən, bu məntəqələrdə seçkinin nəticələri etibarsız sayılıb. Sonda Bəcirəvan bələdiyyəsi üzrə seçkilərin nəticələrinin ləğv edilməsi qərara alınıb.

Qeyd edək ki, Bəcirəvan bələdiyyəsinin tərkibinə Ağcüyür və Bəcirəvan kəndləri daxildir. Eyni zamanda Nəsimi-Səbail seçki dairəsinin 30 saylı məntəqəsində də yanvarın 29-da keçirilən bələdiyyə seçkilərinin nəticələri ləğv edilib. Qərar sözügedən seçki məntəqəsində seçicilərin iradəsini müəyyənləşdirmək mümkün olmadığından verilib və yekdilliklə qəbul edilib.