Müdafiə sənayemizin sürətli inkişafını görəcəyik | Hərbi ekspert

Ordunun gücü, müdafiə qabiliyyəti ölkənin milli maraqlarının təmin edilməsində əsas rol oynayır.

Ölkə başçısı da dolayısı ilə buna işarə edərək ordunun inkişafına yalnız hərbi gücün artması kimi yox, həm də suverenliyin elementi kimi yanaşıb. Bunun bariz nümunəsidir ki, bu gün təkcə regionda deyil, bütün dünyada Azərbaycan Ordusunun potensialından, uğurundan danışılır.

Azərbaycan müstəqilliyini bərpa edəndən sonra suverenliyimizin prioriteti kimi inkişaf etdirilən əsas sahələrdən biri də ordu quruculuğu idi. Bu baxımdan Ümummilli lider Heydər Əliyev tərəfindən əsası qoyulan ordu quruculuğu Prezident İlham Əliyevin diqqət və qayğısı nəticəsində yeni və güclü mərhələyə qədəm qoyub.

Bunun əyani sübutu isə ərazi bütövlüyümüzün bərpası oldu. Xalq-ordu-dövlət münasibətlərinin düzgün qurulması özünün məntiqi nəticəsi ilə yekunlaşdı.

Təbii ki, qələbəni qazanmaq qədər onu qoruyub saxlamaq da önəmlidir. Bu baxımdan hərbi sənaye sahəsində aparılan islahatlar, qoşunların maddi-texniki bazasının davamlı olaraq təkmilləşdirilməsi, nizam-intizamın gücləndirilməsi davam edir, Azərbaycan Ordusunun daha da güclənməsinə zəmin yaradır.