Müşahidəçi seçkiləri buna görə digərlərindən fərqləndirdi

Rusiyalı müşahidəçilər Azərbaycanda keçirilən növbədənkənar prezident seçkisi ilə bağlı monitorinqlərinin nəticələrinə dair brifinq keçiriblər.

Siyasi Araşdırmalar İnstitutunun direktoru Sergey Markov bildirib ki, seçki tam şəffaf keçirilib: “Fürsətdən istifadə edərək prezident seçkisində inamlı qələbəsinə görə İlham Əliyevi təbrik edirəm”.

O qeyd edib ki, seçicilərin belə yüksək səviyyədə iştirakı gözlənilən idi: "Bu seçki ilk dəfə bütün Azərbaycan ərazisini əhatə edib. Bilirsiniz, dünən seçicilər tək seçki olduğuna görə gəlməmişdilər. Onlar İlham Əliyevi milli qəhrəman kimi qəbul edib gəlmişdilər. Seçicilər İlham Əliyevin “Qarabağ Azərbaycandır!” deyimindən istifadə edirdilər”.