NATO nümayəndəsi Bakı və İrəvan arasındakı razılaşmadan yazdı

“NATO Azərbaycan və Ermənistan arasında normallaşma səylərini dəstəkləyir”.

Bu barədə NATO Baş katibinin Cənubi Qafqaz və Mərkəzi Asiya üzrə xüsusi nümayəndəsi Xavyer Kolomina sosial media hesabında yazıb.

O bildirib ki, Alyans sərhədin delimitasiyası üçün baza sənədi kimi 1991-ci ildə Alma-Ata bəyannaməsi ilə bağlı Azərbaycan və Ermənistan arasında razılaşmanı alqışlayır.

“Hər iki ölkənin ərazi bütövlüyünün tanınması əsas prinsipdir. Baş katib Yens Stoltenberqin regiona səfərində qeyd etdiyi kimi NATO normallaşma səylərini güclü şəkildə dəstəkləyir”, – deyə X.Kolomina paylaşımında vurğulayıb.