Ned Prays Azərbaycan-Ermənistan əlaqələrinə münasibət bildirib

"Biz Cənubi Qafqaz regionu üçün təhlükəsiz, sabit, demokratik, firavan və dinc gələcəyin təşviq edilməsinə sadiqliyimizi davam etdiririk".

Bunu ABŞ Dövlət Departamentinin mətbuat katibi Ned Prays mətbuat konfransında bildirib.

Onun sözlərinə görə, ABŞ, Azərbaycan və Ermənistan arasında birbaşa dialoqu asanlaşdırmaq üçün hazırda danışıqlar gedir: “Avropa İttifaqı kimi həmfikir tərəfdaşlarla və ATƏT kimi beynəlxalq təşkilatlarla ikitərəfli əlaqələrimiz davam edir. Bildiyiniz kimi, bir neçə dəfə ABŞ dövlət katibi Entoni Blinkenin Azərbaycan və Ermənistandan olan həmkarları ilə görüşüb, həmkarları bir araya gətirmək imkanı olub. Təhlükəsiz sabit, demokratik, firavan və dinc Cənubi Qafqaz regionu ilə bağlı vizyona doğru irəliləmək üçün bizə görə ən yaxşı perspektivlərə malik olan addımları atmağa davam edəcəyik. Biz əlbəttə ki, tərəflərin özlərinin irəliləyiş əldə etməsini istəyirik. Bu məsələnin hərtərəfli həllinin necə olduğunu izah etmək bizə düşməz”.

Ned Prays əlavə edib ki, illərdir davam edən bu məsələ Azərbaycan və Ermənistanın görəcəyi çətin bir işdir.