Nyu-Yorkda soydaşlarımıza qarşı təxribat törədildi

BMT-nin mənzil-qərargahı önündə Nyu-Yorkda yaşayan həmvətənlərimiz tərəfindən erməni yalanlarına qarşı təşkil olunan dinc etiraz aksiyası yekunlaşıb.

Ermənistanın Azərbaycanın Laçın yolunu bağlamaqla humanitar böhran yaratdığına dair iddialarına etiraz məqsədilə baş tutan aksiyada həmvətənlərimiz beynəxalq təşkilatdan ədalət tələb ediblər.

Əllərində Azərbaycan bayraqları və plakalatlarla əraziyə gələn aksiya iştirakçıları BMT Təhlükəsizlik Şurasına məsələyə ədalətlə yanaşmağa çağırış ediblər.

Həmvətənlərimiz ərazidən keçən diplomatları Erməistanın işğalçılıq siyasəti və yalanları barədə məlumatlandırıblar.

Aksiyanın keçirildiyi əraziyə gələn bir qrup erməni dinc aksiyanı pozaraq həmvətənlərimizə qarşı təxribat törədiblər. Onlar əllərində plakatlar və qondarma ölkənin bayraqları ilə azərbaycanlılara hücum çəkib, yoldan keçən maşınların qarşısını əllərindəki plakatlarla kəsiblər. Ərazidə qarşıdurma yaşanıb.

Nümayişin keçirildiyi əraziyə Nyu-York polis departamentinin əməkdaşları gəlib. Həmvətənlərimizə təziq göstərən ermənilər polisə yalan məlumatlar verərək özlərini müdafiə etməyə çalışıblar.

Polis insidentə dair foto və videogörüntüləri izləyəndən sonra həmvətənlərimizə hücüm edən Cobanyan Sulyanl həbs edib. Təxribat törədən və özünü BMT-nin əməkdaşı kimi təqdim edən digər erməni vətəndaşı sorğu üçün polis bölməsinə aparılıb.

Həmvətənlərimiz Alidə Zeynalova və ABŞ-Azərbaycan Qadınlar Cəmiyyətinin rəhbəri Münəvvər Vahabova hadisə ilə bağlı dindirilmək üçün polis bölməsinə aparılıb. Onların sorğusu davam edir.