Pakistanlı jurnalistdən İlham Əliyevlə bağlı 9 maraqlı məqam

“Pakistan Daily” qəzetinin redaktoru Hamza Azhar Salam sosial şəbəkə hesabında Azərbaycan Prezidenti İlham Əliyev haqqında paylaşım edib.

O, “X” hesabında ölkə başçısı ilə çəkilmiş fotosunu paylaşaraq, İlham Əliyev barəsində diqqətini çəkən doqquz məqamı qeyd edib.

Azhar Salam bildirib ki, İ.Əliyev jurnalistlər üçün bir çox Qərb liderindən daha əlçatandır.

Azərbaycan Prezidenti İlham Əliyev haqqında pakistanlı jurnalistin diqqətini çəkən doqquz məqam:

“1. İngilis, türk, Azərbaycan, fransız və rus dillərində danışa bilir;
2. Bir qurtum su içmədən çətin suallara üç saatdan çox cavab verə bilir;
3. Bir çox müxtəlif layihələrin maliyyə rəqəmlərini əzbər söyləyə bilir;
4. O, müxtəlif ölkələrin media ekosistemlərindən xəbərdardır;
5. O, jurnalistlər üçün bir çox Qərb liderlərindən daha əlçatandır;
6. Bəzən söhbətlərinə/cavablarına yumor əlavə edir;
7. Partiya iclaslarında onun ritorikası sülhə meyilli görünür, lakin lider kimi o, istənilən ehtimala hazırdır;
8. Müttəfiqlərinə necə hörmət etməyi və düşmənlərini çəkindirməyi bilir;
9. Açıqsözlüdür, sözü dolandırmaz və onun yüksək iş etik standartlarını anlayan istedadlı, çalışqan komanda ilə işləməkdən həzz alır”, – deyə paylaşımda bildirilir.