Parisdə Fransanın müstəmləkəçilik siyasətinə qarşı aksiya keçirilib

Fransanın paytaxtı Parisdə Eyfel qülləsinin önündə yerləşən İnsan Hüquqları meydanında Bakı Təşəbbüs Qrupunun təşkilatçılığı və fransız müstəmləkələrinin müstəqillik hərəkatları üzvlərinin iştirakı ilə “Dekolonizasiya gününə” həsr olunmuş etiraz aksiyası keçirilib.

Aksiyada “Kolonializmə son, azadlıq”, “Azadlıq üçün mübarizə edək”, “Azad gələcək üçün birlikdə”, “Torpaqlarımızı və tariximizi bizə geri ver!” kimi müxtəlif şüarlar səsləndirilib.

Aksiyada Komor adalarını, Qvadalupeni, Fransa Polineziyasını, Reuniyonu, Yeni Kaledoniyanı, Sen-Marteni, Korsikanı və Martinikanı təmsil edən müstəqillik hərəkatlarının nümayəndələri iştirak ediblər.

Aksiyaçılar 14 dekabr 1960-cı ildə BMT Baş Assambleyası tərəfindən qəbul edilmiş Qətnamənin yerinə yetirilməsini tələb ediblər.