“Paşinyan ABŞ-yə buna görə gedir” | Vaşinqton görüşünün detalları açıqlandı

Ermənistan Baş naziri Nikol Paşinyan 7-8 avqust tarixlərində ABŞ-yə səfər edəcək.

Bu barədə Ermənistan hökumətinin mətbuat katibi Nazeli Baqdarasyan bildirib.

O, Vaşinqtonda üçtərəfli görüşün keçiriləcəyini təsdiqləyərək bildirib ki, Paşinyan Vaşinqtonda Ermənistan-ABŞ strateji tərəfdaşlığının dərinləşdirilməsi məqsədilə ABŞ Prezidenti Donald Trampla ikitərəfli görüş keçirəcək.

Məlumatda o da qeyd edilib ki, regionda sülh, firavanlıq və iqtisadi əməkdaşlığın təşviqi məqsədilə ABŞ Prezidenti Donald Tramp və Azərbaycan Prezidenti İlham Əliyevlə üçtərəfli görüş keçirəcək.

Qeyd edək ki, "The Washington Post" nəşri də sözügedən görüşlərlə bağlı məlumat yayıb.

Bildirilib ki, ABŞ Prezidenti Donald Tramp avqustun 8-də Azərbaycan Prezidenti İlham Əliyev və Ermənistanın Baş naziri Nikol Paşinyanla görüşəcək.

“Görüşün məqsədi onilliklərdir davam edən münaqişəyə son qoymaq üçün sülh sazişinin əldə edilməsidir”, ‒ deyə vurğulanıb.