Peskov Azərbaycan və Ermənistan arasındakı delimitasiya prosesindən danışdı

“Azərbaycan və Ermənistan sülh sazişi üzərində işləyir, lakin hələ razılaşdırılmamış maddələr var”.

Bu barədə Rusiya Prezidenti Vladimir Putinin mətbuat katibi Dmitri Peskov bildirib.

“Ermənistan və Azərbaycan sərhədlərinin delimitasiyasi üzrə danışıqların davam etdiyini və bəzi məsələlərin artıq razılaşdırıldığını” deyən mətbuat katibi həmçinin bəyan edib ki, Rusiya sülhməramlılarının Qarabağdan çıxarılması regiondakı mövcud reallıqlara uyğundur.

Xatırladaq ki, aprelin 17-də Prezident Administrasiyasının Xarici siyasət məsələləri şöbəsinin müdiri Hikmət Hacıyev Azərbaycan və Rusiyanın ali rəhbərliyinin Rusiya sülhməramlılarının Qarabağdan vaxtından əvvəl çıxarılması barədə qərar qəbul etdiklərini bəyan edib.