Poqosyandan aranı qarışdıracaq təhdid | Ramiz Yunusun sözləri onu özündən çıxardı

Ermənistan Prezidentinin milli təhlükəsizlik üzrə baş məsləhətçisinin keçmiş köməkçisi, Silahlı Qüvvələrin Baş Qərargah rəisinin keçmiş müşaviri olan Vladimir Poqosyan uzun illərdir ki, Amerika Birləşmiş Ştatlarında yaşayan politoloq Ramiz Yunusu ölümlə hədələyib.

Bu barədə o, “Telegram” kanalında yazıb.

V.Poqosyanı hiddətləndirən isə Ramiz Yunusun “şadam ki, Zori Balayan ölməyib və Bakıda keçirilən məhkəməni görüb sonra gəbərsin” sözləri olub.

u sözlərə etiraz edən V.Poqosyan Ramiz Yunusa ehtiyatlı davranmağı tövsiyə edib. Hətta Ramiz kimi danışan birinin partladılmasını yazmaqdan çəkinməyib. Lakin söhbətin kimdən getdiyini qeyd etməyib:

“Bu çaqqala cavab verəcəyəm. Özün gəbərəcəksən. Sənin kimi birisi var idi, burada nə bilim nə etmək istəyirdi, artıq partladılıb. Sizi dünyanın hər yerində taparıq. Ayaqlarınızın, çarpayının, maşının altına diqqətlə baxın. Vaxt gələcək ki, siz çaqqalları məhkəmə yox, bizim əsgərimiz yerindəcə mühakimə edəcək”.