Prezident İlham Əliyev tədbir iştirakçılarına müraciət ünvanlayıb

Bakı Konqres Mərkəzində Beynəlxalq Hakimlər Assosiasiyasının (BHA) 67-ci Baş Assambleyası öz işinə başlayıb. Tədbirdə 71 ölkədən 300-ə yaxın nümayəndə (hakimlər, vəkillər, hüquqşünaslar) iştirak edir .

Prezident İlham Əliyev mərasim iştirakçılarına müraciət ünvanlayıb. Dövlət başçısı bu illik iclasları məhkəmə-hüquq sistemlərinin inkişaf istiqamətlərini müəyyən etmək və çağırışlara cavab vermək üçün səmərəli dialoq platforması adlandırıb.

Prezident vurğulayıb ki, iclasda aparılacaq müzakirələr və qəbul ediləcək tövsiyələr aşağıdakı sahələrə mühüm töhfə verəcək:

• Hakimlərin müstəqilliyinin möhkəmlənməsi.

• Ədalət mühakiməsinin keyfiyyətinin artırılması.

• Qanunun aliliyinin və insan hüquqlarının müdafiəsinin təmin olunması.

• Beynəlxalq həmrəyliyin inkişafı.

Baş Assambleya oktyabrın 17-dək davam edəcək.