Prezident İlham Əliyevin Antalya Diplomatiya Forumuna gəldiyi an

Azərbaycan Respublikasının Prezidenti İlham Əliyev və birinci xanım Mehriban Əliyeva Türkiyə Prezidenti Rəcəb Tayyib Ərdoğanın dəvəti ilə 5-ci Antalya Diplomatiya Forumunda iştirak etmək üçün Türkiyəyə işgüzar səfər ediblər. Baku TV-nin hadisə yerindən hazırladığı kadrda dövlət başçısının forumun keçirildiyi "Nest" Konqres Mərkəzinə gəlişi və rəsmi qarşılanma anı əks olunub. "Gələcəyi planlaşdırarkən qeyri-müəyyənliklərin öhdəsindən gəlmək" mövzusuna həsr olunmuş builki forumda 150-dən çox ölkədən gələn liderlər qlobal təhlükəsizlik və sülh təşəbbüslərini müzakirə edirlər. Videoda Prezident İlham Əliyevin rəsmi qarşılanma mərasimi, eləcə də tədbir çərçivəsində keçirdiyi ilk görüşlərdən maraqlı məqamlar təqdim olunur. Bu səfər Azərbaycanın qlobal diplomatik mərkəzlərdəki aktiv rolunun və sarsılmaz Azərbaycan-Türkiyə qardaşlığının növbəti təzahürüdür.