Prezident: İndi isə sülhün zamanı çatıb
“28 il ərzində BMT Təhlükəsizlik Şurasının 4 qətnaməsini icra etməyən Ermənistan 44 gün ərzində öz məğlubiyyəti ilə barışmalı oldu”.
Bunu İlham Əliyev Almaniya Kansleri Olaf Şoltsla birgə keçirilən mətbuat konfransında çıxışında deyib.
“2019-cu ildə Ermənistanın bugünkü baş naziri demişdi ki, “Qarabağ Ermənistandır və nöqtə” və bu, faktiki olaraq sülh danışıqlarına vurulan ən böyük zərbə idi. 44 günlük Vətən müharibəsi zamanı biz sübut etdik ki, “Qarabağ Azərbaycandır və nida işarəsi”. Biz bu nida işarəsini 2020-ci il noyabrın 8-də Şuşada qoyduq. İndi isə sülhün zamanı çatıb. Biz Ermənistana 5 prinsip əsasında sülh müqaviləsini təklif etmişik. Ümid edirəm ki, Ermənistan bu şansı qaçırmayacaq və Cənubi Qafqazda sülh və əməkdaşlıq dövrü başlayacaq”, - deyə dövlət başçısı qeyd edib.