Prezident və xanımı Şuşada ilk yaşayış kompleksinin açılışında iştirak etdi
Şuşalılar 32 ildən sonra öz doğma yurdlarına qayıdırlar.
Belə ki, Prezident İlham Əliyev və birinci xanım Mehriban Əliyeva Şuşada birinci yaşayış kompleksinin açılışında iştirak edib və şəhərə köçmüş ilk sakinlərlə görüşüblər.
Bundan başqa, dövlət başçısı və birinci xanım Şuşada inşa ediləcək üçüncü yaşayış kompleksinin təməlqoyma mərasimində iştirak ediblər. Çöl Qala məscidində aparılan bərpa işləri ilə də tanışlıq olub.
Prezident İlham Əliyev və birinci xanım Mehriban Əliyeva Şuşada Üzeyir Hacıbəylinin ev-muzeyində aparılan bərpa işləri ilə tanış olublar.
Şuşada Şirin su hamamının bərpadan sonra açılışı da olub. Dövlət başçısı və birinci xanım Mehriban Əliyeva Şuşada Aşağı Gövhər Ağa məscidində aparılan bərpa işləri ilə tanış olublar.
Həmçinin Şuşada Mamayı məscidinin bərpadan sonra açılışı da olub. Dövlət başçısı Xankəndi-Şuşa-Laçın avtomobil yolunda görülən işlərlə tanış olub.