Prezidentdən ədliyyə işçiləri ilə bağlı qərar

Prezident İlham Əliyev ədliyyə orqanları işçilərinin təltif edilməsi haqqında sərəncam imzalayıb.

Sərəncama əsasən, ədliyyə orqanlarında səmərəli fəaliyyətinə görə 11 nəfər – Abasova Könül Əlisəfər qızı, Abbasov Nazim İsa oğlu, Abışov Vüqar İdris oğlu, Ağayev Rüfət Salman oğlu, Eyvazov Xəyal Astan oğlu, Həsənli Rəşad İsmayıl oğlu, Həsənov Zaur Rauf oğlu, Hüseynov Rəşad Tofiq oğlu, Qəhrəmanov Vüqar İmambala oğlu, Mehralıyev Azər Umudvar oğlu, Sabitova Aynur Zakir qızı “Dövlət qulluğunda fərqlənməyə görə” medalı ilə təltif ediliblər.

Prezident İlham Əliyev “Azərbaycan Respublikası Ədliyyə Nazirliyinin əməkdaşlarına ali xüsusi rütbələrin verilməsi haqqında” sərəncam da imzalayıb.

Sərəncamla ədliyyə nazirinin müavini – Penitensiar xidmətin rəisi Mirsaleh Miradil oğlu Seyidova ədliyyə general-mayoru, Ədliyyə Nazirliyinin Strateji planlaşdırma və monitorinq baş idarəsinin rəisi Cavid Ənvər oğlu Hüseynova III dərəcəli dövlət ədliyyə müşaviri ali xüsusi rütbəsi verilib.