Putin xüsusi tribunala çıxarılır - BAKU TV

Avropa Parlamenti yanvarın 19-da Rusiyanın Ukraynaya qarşı cinayəti üzrə xüsusi tribunalın yaradılması barədə qərar qəbul edib.

Deputatlardan 472-si qərarın lehinə, 19-u əleyhinə səs verib. 33 parlamentari isə bitərəf qalıb. Qətnamədə deyilir ki, 2022-ci ilin fevral ayından etibarən Rusiya Ukraynaya qarşı qeyri-qanuni və əssassız müharibə aparır.

Qeyd edilib ki, Rusiya Federasiyasının Ukraynaya qarşı təcavüzkar müharibəsi BMT Nizamnaməsinin, beynəlxalq hüququn əsas prinsiplərinin kobud şəkildə pozulmasıdır. Qətnamədə həmçinin deyilir ki, Rusiya Ordusu yaşayış məntəqələrinə və mülki infrastruktura qarşı hücumlar həyata keçirərək minlərlə Ukrayna vətəndaşını qətlə yetirib.

Əlavə olunub ki, xüsusi beynəlxalq tribunal təkcə Vladimir Putini və Rusiya Federasiyasının siyasi və hərbi rəhbərliyini deyil, həm də Belarus Prezidenti Aleksandr Lukaşenkonu və bu ölkənin siyasi və hərbi rəhbərliyini araşdırmaq səlahiyyətinə malik olmalıdır.