Siyasət
Pleyeri seçin:
Putin yenidən İlham Əliyevə zəng etdi | Liderlər arasında vacib müzakirə
Rusiya Prezidenti Vladimir Putin Azərbaycan Prezidenti İlham Əliyevə növbəti dəfə zəng edib.
Bu barədə Prezidentin Mətbuat Xidməti məlumat yayıb. Telefon danışığı zamanı dövlət başçıları “Azərbaycan Hava Yolları” Qapalı Səhmdar Cəmiyyətinə məxsus sərnişin təyyarəsinin qəzaya uğraması ilə bağlı məsələlərin müzakirəsini davam etdiriblər.
Xatırladaq ki, Rusiya Prezidenti dekabrın 28-də də Prezident İlham Əliyevə zəng edib. Söhbət zamanı dövlət başçıları bu faciənin bütün təfərrüatlarının ciddi və hərtərəfli araşdırılması, günahkarların məsuliyyətə cəlb olunmasını müzakirə ediblər.
Prezident İlham Əliyev Azərbaycan tərəfinin təklifi ilə bu qəzanın səbəblərinin hərtərəfli araşdırılması üçün beynəlxalq ekspertlərdən ibarət heyətin təşkil edildiyini və bu heyətin artıq fəaliyyətə başladığını bildirib.
Kopyalandı
Seçilmişlər
