Qardaşlıq və əməkdaşlığımızın əbədi olmasını diləyirəm | Ersin Tatar
Şimali Kipr Türk Respublikasının Prezidenti Ersin Tatar Azərbaycan Prezidenti İlham Əliyevin ADA Universitetində keçirilən “Yeni dünya nizamına doğru” adlı beynəlxalq forumda səsləndirdiyi bəyanatı məmnuniyyətlə qarşıladığını bildirib.
Bu barədə Şimali Kipr Türk Respublikasının rəsmi saytında məlumat verilib.
“Azərbaycan Prezidenti İlham Əliyevin bəyanatı bizləri son dərəcə məmnun edib. Ona Şimali Kipr Türk Cümhuriyyətinə göstərdiyi bu güclü dəstəyə görə təşəkkür edirəm. Azərbaycanla aramızdakı könül birliyinin, ortaq dəyərlərin və eyni millətin ayrılmaz bir parçası olaraq münasibətlərimizin daha da inkişaf etməsi bizi sevindirir. Prezident İlham Əliyevə bu bəyanatına görə bir daha təşəkkür edir, qardaşlıq və əməkdaşlığımızın əbədi olmasını diləyirəm”, ‒ E.Tatar vurğulayıb.
Qeyd edək ki, Prezident İlham Əliyev ADA Universitetində keçirilən “Yeni dünya nizamına doğru” mövzusunda beynəlxalq forumda çıxışı zamanı Şimali Kipr məsələsinə toxunub.
“Şimali Kiprdəki qardaşlarımızı əmin etmək istəyirəm, biz hər zaman sizinlə olacağıq ki, ölkəniz müstəqil dövlət kimi təsis edilsin və beynəlxalq ictimaiyyət tərəfindən tanınsın”, ‒ dövlət başçısı bildirib.
#İlham Əliyev teqi istifadə olunub
- Avstraliya İttifaqının ölkəmizdə yeni təyin olunmuş səfiri Prezidentin qəbulunda
- İlham Əliyev Avstraliyanın yeni səfirini qəbul etdi | Görüşdə nələr müzakirə olundu? - Baku TV
- İndoneziyanın Azərbaycanda yeni təyin olunmuş səfiri Prezidentin qəbulunda
- İlham Əliyev Norveçin ölkəmizdəki yeni səfirinin etimadnaməsini qəbul etdi
- Prezident İlham Əliyev Norveçin ölkəmizdəki yeni səfirinin etimadnaməsini qəbul etdi - Baku TV
