Qarşıdakı danışıqlar yalnız tərəflər arasında aparılacaq | Qazaxıstan XİN
Azərbaycan və Ermənistan arasında gözlənilən danışıqlar yalnız tərəflər arasında aparılacaq, Astananın vasitəçiliyindən söhbət getmir.
“Report” xəbər verir ki, bu barədə Qazaxıstan Xarici İşlər Nazirliyinin rəsmi nümayəndəsi Aybek Smadiyarov bildirib.
“Həqiqətən də, Almatıda belə danışıqlar planlaşdırılır. Azərbaycan və Ermənistandakı həmkarlarımızla əlaqə saxlayırıq. Qarşıdakı danışıqlar yalnız tərəflər arasında aparılacaq. Astananın vasitəçiliyindən söhbət getmir. Biz yalnız xoşməramlı xidmətlər təqdim edirik, necə deyərlər, “good office”, – deyə o bildirib.
Aybek Smadiyarov Qazaxıstan Xarici İşlər Nazirliyinin məsələ ilə bağlı daha ətraflı məlumat verəcəyini də əlavə edib.
“Əgər bu iki tərəf sülhə nail olarsa və müvafiq razılaşma əldə olunarsa, bu, təkcə Qazaxıstana deyil, bütün regiona müsbət təsir edəcək”, – deyə nazirlik rəsmisi məlumat verib.
Qeyd edək ki, danışıqların tarixi isə hələlik məlum deyil.
#Qazaxıstan XİN teqi istifadə olunub
- Ceyhun Bayramov Qazaxıstanın Ermənistanla sülh prosesi barədə təklifindən danışdı
- Azərbaycan və Qazaxıstan arasında iqtisadi əlaqələrin inkişafı | Bu layihə sayəsində...
- Qazaxıstanın XİN başçısı Azərbaycanla mədəni-humanitar əməkdaşlıqdan danışdı
- Azərbaycan və Qazaxıstan XİN-ləri birgə Fəaliyyət Planı imzaladı
- Azərbaycan və Qazaxıstan XİN başçılarının görüşü keçirilir
