Siyasət
Pleyeri seçin:
Qazaxıstan Prezidenti “qara qutu”larla bağlı nələrdən danışdı? | Yeganə düzgün qərar budur!
“Aktauda baş verən təyyarə qəzasının səbəblərinin obyektiv araşdırılması məqsədilə hökumət komissiyası “qara qutu”ları deşifrə etmək üçün təyyarənin istehsal olunduğu Braziliyaya göndərib”.
Bu barədə Qazaxıstan Prezidenti Kasım-Jomart Tokayev yerli “Ana dili” qəzetinə müsahibəsində bildirib.
Tokayev təyyarə qəzasının səbəblərinin araşdırılmasında obyektivlik və qərəzsizliyin təmin edilməsi üçün bunun yeganə düzgün qərar olduğuna əminliyini ifadə edib.
Qazaxıstan həmçinin Beynəlxalq Mülki Aviasiya Təşkilatı və Dövlətlərarası Aviasiya Komitəsindən olan nümayəndələr də daxil olmaqla 17 beynəlxalq ekspert dəvət edib.
Xatırladaq ki, dekabrın 25-də Bakıdan Qroznıya uçan AZAL-ın sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Təyyarədə 62 sərnişin və beş ekipaj üzvü olub. Qəza nəticəsində 38 nəfər həlak olub, 29 nəfər sağ qalıb.
Kopyalandı
Seçilmişlər
