Qazaxıstanın Baş naziri araşdırmalara cəlb olunan ekspertlərdən danışdı

Aktau yaxınlığında AZAL təyyarəsinin qəzaya uğramasını araşdırmaq üçün ballistik və partlayış texniki ekspertiza təyin edilib.

Bu barədə Qazaxıstanın Baş naziri Kanat Bozumbayev məlumat verib.

Qeyd edilib ki, qəzanın səbəbləri ilə bağlı araşdırma hazırda 17 beynəlxalq ekspert tərəfindən aparılır.

“Onlardan altısı Azərbaycan, ikisi “Embraer”, üçü Braziliya, üçü Dövlətlərarası Aviasiya Komitəsi, ikisi Rusiya Federasiyasından olan nümayəndə heyətidir”, – deyə Baş nazir əlavə edib.

K.Bozumbayev vurğulayıb ki, şəxsən özü hökumət Komissiyasına rəhbərlik edir. Araşdırmanın aparılmasında Qazaxıstana heç bir ölkədən müdaxilə edən yoxdur.

“Müstəqil olaraq qərar qəbul edirik ki, cəmiyyətdə kiminsə kiməsə təzyiq göstərəcəyi ilə bağlı heç bir sual olmasın. Bu gün Komissiyanın statusunu nazir səviyyəsinə qaldırmaq qərarına gəldik”, – deyə K.Bozumbayev yekunlaşdırıb.