Qərbi azərbaycanlıların qaçqın düşməsində SSRİ-nin rolu | QƏRBİ AZƏRBAYCAN XRONİKASI

“Qərbi Azərbaycan Xronikası” layihəsi çərçivəsində növbəti analitik süjet hazırlanıb.

“Son 35 il – Azərbaycanın böyük qaçqın sınağı” adlı süjetdə son 30 ildə Azərbaycanın qaçqın və məcburi köçkün məsələsi ilə bağlı çox ciddi və böyük sınaqdan çıxdığı, 1988-ci ildə indiki Ermənistan ərazisindən qərbi azərbaycanlıların erməni-sovet silahlı dəstləri tərəfindən öz yurd yerlərindən güc yolu ilə çıxarıldığı qeyd olunur.

Bildirilib ki, Rusiya həmişə ermənilərə sponsorluq, havadarlıq edib: “Qərbi Azərbaycandan gələn 250 min nəfər o vaxtkı Azərbaycan SSR-in məhdud imkanları üçün çox ciddi problemlər yaratdı. 1989-cu ilin yazında Özbəkistandan da ahıska türkləri qovulmuşdu və onları da Azərbaycan qəbul etdi. 1990-cı illərdən Azərbaycanın Qarabağ bölgəsindən məcburi qaçqın köçü gəlməyə başladı. Bir sözlə, 1988-1993-cü illərdə Azərbaycan ictimaiyyəti çox böyük tarixi fədakarlıq nümayiş etdirirdi”.

Süjetdə Azərbaycan tərəfinin Qarabağ iqtisadi rayonunda ermənilərin yığcam yaşamasına, təhlükəsizliyinin təmin olunmasına hər cür təminat verdiyi, Ermənistanın da qərbi azərbaycanlıların pozulan mülkiyyət və vətəndaşlıq hüquqlarının bərpasına təminat verməsi halında Azərbaycanla Ermənistan arasında danışıqların əhatəli sayılmasının mümkünlüyü qeyd olunur.