Pleyeri seçin:
Qırğızıstanda mühüm tədbir: İlham Əliyev çıxış etdi
Oktyabrın 13-də Bişkekdə Müstəqil Dövlətlər Birliyi (MDB) Dövlət Başçıları Şurasının iclası keçirilib.
Azərbaycan Respublikasının Prezidenti İlham Əliyev iclasda iştirak edib. Qırğız Respublikasının Prezidenti Sadır Japarov Azərbaycan Prezidenti İlham Əliyevi və digər dövlət başçılarını qarşılayıb. İclasda iştirak edən dövlət başçıları birgə foto çəkdiriblər.
Əvvəlcə MDB Dövlət Başçıları Şurasının məhdud tərkibdə iclası keçirilib. Sonra MDB Dövlət Başçıları Şurasının iclası işini geniş tərkibdə davam etdirib.Qırğızıstan Prezidenti Sadır Japarov iclasda aparılan müzakirələrin MDB-yə üzv ölkələr arasında əməkdaşlığın inkişafına töhfə verəcəyini vurğulayıb. Sadır Japarov MDB-yə sədrliyin Qırğızıstandan Rusiyaya keçdiyini elan edib.
Rusiya Federasiyasının Prezidenti Vladimir Putin ölkəsinin MDB-yə sədrliyi dövründə prioritet hədəfləri barədə məlumat verib. Vladimir Putin MDB Dövlət Başçıları Şurasının növbəti iclasının gələn ilin oktyabrında Moskvada keçiriləcəyini vurğulayıb.
İclasda çıxış edən MDB-nin Baş katibi Sergey Lebedev imzalanacaq sənədlər barədə məlumat verib. Daha sonra sənədlər imzalanıb. Bununla da MDB Dövlət Başçıları Şurasının iclası başa çatıb.
Kopyalandı
#İlham Əliyev teqi istifadə olunub
- Cəbrayıl rayonunun Soltanlı kəndində “Şəfəq” yarımstansiyasının açılışı olub
- Prezident Cəbrayıl Rayon Mərkəzi Xəstəxanasının binasının tikintisi ilə tanış olub
- Prezident İlham Əliyev Şükürbəyli kəndində məktəb binasının açılışında iştirak edib
- Cəbrayılın Soltanlı kəndində “Şəfəq” yarımstansiyasının açılışı olub - Baku TV
- Prezident İlham Əliyev və birinci xanım Şükürbəylidə fərdi evlərdə yaradılmış şəraitlə tanış olublar
Seçilmişlər
